આનંદ યાત્રા....
શાળાકીય શિક્ષણની સાથે સાથે બાળકોને સહ શૈક્ષણિક પ્રવૃત્તિઓ પણ ઘણું બધું શીખવી જાય છે. એવી જ એક પ્રવૃત્તિ તે 'શૈક્ષણિક પ્રવાસ' છે. વાઘજીપુર પે સેન્ટર શાળા ને ગામના શિક્ષણપ્રેમી રાજુભાઈ અને જીતુભાઈ દ્વારા ત્રિ દિવસીય પ્રવાસ માટે ભોજનનો તમામ ખર્ચ દાન પેટે આપવા તૈયારી બતાવી પ્રવાસનું આયોજન કરવા નું બળ પૂરું પાડ્યું.શાળાના શિક્ષક શ્રી પ્રકાશભાઈ એ સ્થળોની મુલાકાત, રોડ મેપ, રાત્રી રોકાણ, એડવાન્સ બુકિંગ વગેરેની ખૂબ ઝીણવડ પૂર્વક આયોજનબદ્ધ વ્યવસ્થા કરી.તો ભોજન મેનુ ની સંપૂર્ણ જવાબદારી સંગીતાબેન એ સ્વીકારી. મેડિકલની જવાબદારી સુરેશભાઈએ સ્વીકારી. બાળકોની વ્યવસ્થા તથા જાળવણી નું આયોજન અલ્પેશભાઈ અને જયેશભાઈએ કર્યું. આ તમામ સ્ટાફ મિત્રોના ઉત્સાહપૂર્વકના કાર્યથી અમારી ત્રિ દિવસીય આનંદ યાત્રા ખૂબ સફળ રહી. વાઘજીપુર થી જુનાગઢ, સોમનાથ, સાસણગીર,વિરપુર ની આનંદ યાત્રા અવિસ્મરણ્ય રહી. બાળકોએ દરેકે દરેક સ્થળ અને ક્ષણનો આનંદ ઉઠાવ્યો. સોમનાથ ખાતે સોમનાથ ટ્રસ્ટ ના લીલાવતી અતિથી ગૃહ પરિસર ખાતે આવેલ ડોરમેટરી અતિથિ ગૃહમાં બાળકોના રોકાણની કાબિલે દાદ સગવડ મળી, તો રાહત દરે જુનાગઢ દર્શન કરાવનાર ઉદાર સારથીઓ મળ્યા. સાસણગીર ખાતે વિનામૂલ્ય રિસોર્ટ ઉતારાની સગવડ અખિલેશભાઈએ પૂરી પાડી. સોમનાથના ઘુઘવતા દરિયા દેવના આહલાદક સ્પર્શથી બાળકો ભાવવિભોર બની ગયા. સાસણગીરમાં ડાલામથ્થા સિંહને જોઈ સૌ કોઈની આંખો આશ્ચર્યચકિત બની.એક એક સ્થળોનો બાળકોએ ખૂબ આનંદ માણ્યો... વાઘજીપુર પે સે શાળાની આ આનંદ યાત્રા સફળ બનાવનાર તમામ મિત્રોનો શાળા પરિવારના વડા તરીકે આભાર વ્યક્ત કરું છું...
