તંદુરસ્ત રહો.. મસ્ત રહો....
ડાબર ઇન્ડિયા અને દોસ્ત ફાઉન્ડેશનના સંયુક્ત ઉપક્રમે પટેલ એન્ટરપ્રાઇઝ કપડવંજ ના સહયોગથી વાઘજીપુર શાળાના ૧૯૪ બાળકો માટે કેરી, નારંગી અને જામફળના જ્યુસ નું નિઃશુલ્ક વિતરણ કરવામાં આવ્યું. શાળા પરિવાર તમામ દાતાશ્રીઓનો આભાર વ્યક્ત કરે છે.
વાઘજીપુરના યુવાઓએ ઉજવ્યો અનેરો સ્વાતંત્ર્ય દિન.....
આજની યુવા પેઢી વ્યસન અને ફેશન પાછળ પૈસા વેડફે છે,ત્યારે અમારા વાઘજીપુર ગામના યુવાનો સૌ કોઈ માટે પ્રેરણાદાયી બની રહ્યા છે.પોતાની આવકમાથી ચોક્કસ હિસ્સો કાઢી પાતાના જ ભાઈભાંડુળાના શિક્ષણ પાછળ ખર્ચી સાચો સ્વાતંત્ર્ય પર્વ ઉજવે છે.એવા સાચા શિક્ષણ ચિંતક ભાઈ શ્રી.. કૌશિકભાઈ,વીરસિંહ જીતુભાઈ,રાજુભાઈ, મેહુલભાઈ,હિતેશભાઈ મુકેશભાઈ એ રૂ.૨૦,૦૦૦/-(વીસ હજાર)ની કિંમતના સારી ગુણવત્તા વાળા પાણીના ૮ (આઠ)જગ, તથા બાળકોને ભોજન માટે ખુબ ઉપયોગી સારી ગુણવત્તા વાળી થાળી,વાડકી સેટ નંગ ૨૦૦ (બસો) શાળાને દાનમાં આપ્યા.શાળા પરિવાર આજના સ્વાતંત્ર્ય દિને યુવાનોના જુસ્સાને સલામ કરે છે....જય હિન્દ..
વાઘજીપુર ગામના યુવા મિત્રો... કૌશિકભાઈ, વીરસિંહ તથા જીતુભાઈ તરફથી બાળકોને તીથિ ભોજન કરાવાયુ....તા ૧૪/૦૮/૨૩
આજનો અદભુત કાર્યક્રમ... મેરી મિટ્ટી મેરા દેશ કાર્યક્રમ અંતર્ગત વાઘજીપુર પે સેન્ટર શાળા તથા વાઘજીપુર ગ્રામ પંચાયતના સંયુક્ત ઉપક્રમે આજરોજ શહીદ વીરો તથા તેમના સ્વજનો ના સન્માનની સાથે માતૃભૂમિની વંદના નો એક અદભુત કાર્યક્રમ યોજાઈ ગયો. ગઈકાલે સાંજે સાડા ચાર વાગે વરસાદી માહોલને લઈ આખો કાર્યક્રમ શાળા કક્ષાએ ફેરવાયો.માત્ર 20 મિનિટ જેટલા ઓછા સમયમાં શાળાના બેનશ્રીઓએ સુંદર મજાની પ્રાર્થના નું આયોજન કરાવ્યું.બિલેશ્વર મહાદેવના સ્થાને શિલાલેખનું અનાવરણ, વૃક્ષારોપણ,પંચ પ્રણ પ્રતિજ્ઞા,. આ કાર્યક્રમ સફળ બનાવવા શાળાના તમામ શિક્ષક મિત્રોએ તથા સીઆરસી શ્રી શૈલેષભાઈ એ ખૂબ મહેનત કરી આ કાર્યક્રમને સફળ બનાવ્યો. માનનીય ધારાસભ્યશ્રી રાજેશભાઈ ઝાલા સાહેબે શાળાની પ્રવૃત્તિઓ બિરદાવી સાથે સાથે શાળા માટે પાણીનો બોર અને પાણીની પરબ માટે ગ્રાન્ટ મંજૂર કરી. કાર્યક્રમમાં અતિથિ વિશેષમાં નિલેશભાઈ પટેલ (ચેરમેન શ્રી એપીએમસી કપડવંજ) માનનીય તાલુકા વિકાસ અધિકારીશ્રી ,માન્ય તાલુકા વિસ્તરણ અધિકારીશ્રી ,માનનીય અ.મ.ઈ તાલુકા પંચાયત કચેરી સાહેબશ્રી ની પ્રેરક ઉપસ્થિતિ તથા સરપંચ શ્રી અને તમામ ગ્રામજનોના સહકારથી આજનો આ કાર્યક્રમ ખૂબ સફળ રહ્યો....
તમામનો ખુબ ખુબ આભાર
કર્મોની સુવાસ..........
વાઘજીપુર પે સેન્ટર શાળા ને જીવનના અમૂલ્ય એવા 14 વર્ષ નો સમય આપી 14 પેઢીનું ઘડતર કરવાનું કર્મ નિષ્ઠાથી બજાવી ઉત્તમ શિક્ષકનુ ઉદાહરણ પૂરું પાડનાર આદરણીય બેન શ્રી નીલાબેન ની વિદાયની ક્ષણોએ તેમના વિશે લખવા પ્રેર્યો છે.
હું 2014માં જ્યારે આ શાળામાં મુખ્ય શિક્ષક તરીકે આવ્યો ,ત્યારે સ્મિત ભર્યા ચ્હેરે આવકારનાર નીલાબેન કે જેમને મોટા બહેન કહું તો સહેજે અતિશયોક્તિ નથી.તેમણે વાઘજીપુર શાળાને પોતાના કર્મથી સીંચી છે. એક કર્મઠ શિક્ષકમાં હોય તેવા તમામ લક્ષણો મેં એમનામાં જોયા છે.શાળા મારી છે... એ લાગણી હર હંમેશ એમના વર્તનથી છલકાતી જોવા મળે. ગામના દરેક વિસ્તાર તથા વાલીઓ અને બાળકોને પીછાણનાર,કદાચ જવલ્લે જોટો જડે એમ શાળા માટે જંગલમાં જઈને અણીયારા દર્ભનું ઘાસ(કાસ) વાઢી લાવી તેમાંથી શાળા માટે જુડા બનાવનાર, આવા બહેનોની જોડી મળવી દુર્લભ છે. શાળાની સફાઈમાં પંજેઠી વડે ઘાસ સાફ કરતા કે તગારાથી કચરો ભરતા નીલાબેન મુઠી ઊંચેરા માનવી બની જાય છે. મારા ગયા પછી શાળાનો ચાર્જ મળ્યા નો બળાપો ઠાલવવાની જગ્યાએ હસતા મોઢે... થઈ જશે... એવું કહેનારા નીડર નીલાબેન, પે સેન્ટર નો મારા કરતાં વધુ સારી રીતે વહીવટ કરી મારી ઓફિસને હતી તેનાથી વધુ સારી બનાવનાર એક કુશળ વહીવટ કર્તા એટલે નીલાબેન, સામાજિક વિજ્ઞાન વિષયને બાળક ભોગ્ય બનાવી નીત નવું વિચારી પીરસ્તા તો અંગ્રેજી વિષયને સાવ સરળ બનાવી ઉત્તમ ભાષા શિક્ષકનું કામ કરનાર તે બેન શ્રી, બાળકો માટે સતત કંઈક નવું વિચારીને અમલમાં મુકવા પ્રેરતા તે બહેન શ્રી, સંચો લાવી શાળામાં જાતે ડસ્ટર હોય કે ટીવીઓના કવર હોય કે દફતરના પોટલાબધું સીવીને સુવિધા પૂરા પાડતા ઉત્સાહી નીલાબેન,એમના ગયા પછી વાઘજીપુર પે સેન્ટર શાળા ના બાળકોએ શું ગુમાવ્યું છે ? એ એમનાથી વિશેષ કોઈ ન જાણે.
મારા સ્મૃતિ પર પોતાની અમિટ અને ઉત્કૃષ્ટ છાપ છોડી જનાર નીલાબેન ને કઠણ હૃદયે વિદાય આપતા અમે સૌ ભાવુક થઈ ગયા. શાળા પરિવાર તેમને ઉત્તમોત્તમ કાર્યો કરી નવી શાળામાં પણ કામથી નામ બતાવે તેવી અંતઃકરણપૂર્વક શુભેચ્છા પાઠવે છે, સાથે સાથે એમને કરેલા ઉત્તમ કાર્યોનો આજના તબક્કે ઋણ સ્વીકાર કરે છે. આવા ઉત્તમ શિક્ષક ને શત શત વંદન ..... કુલદીપસિંહ બી ચૌહાણ, મુખ્ય શિક્ષક, વાઘજીપુર પે સેન્ટર શાળા, તાલુકો કપડવંજ, જિલ્લો ખેડા.
